PETRA

Creo que os acordáis de un personaje entrañable, que fue el más popular de Oviedo a lo largo de muchos años. Primero con su "novio" PERICO. Y luego viviendo de forma solitaria en el Parque de San Francisco. Estos son mis recuerdos.
.
Petra

Podía debése a qu'el tren de Llangreu propiciase mayor acercamientu de la Cuenca minera a Xixón, desde tiempos del añu la pera. Nun pué discutir naide el ganchu que tien la ciudá de los del "culo moyau" pa poder gozála sobretó pel veranu, turrándose nes arenes de la Playa San Lorenzo. Lo cierto ye que la mayoría la xente de L'Entregu, Ciañu, Sama y pedaníes, frecuentaben munches más veces la capital del paseo Begoña que la señorial capital del Principau, esa que Clarin inmortalizó como "Vetusta".

Ensin embargu el mio casu nun fue asina. Siendo un guajucu con pantalones cúrtios entoavía, alcuérdome que mi pá solía lleváme a Uvieu con bastante frecuencia. Yera en los fines de selmana cuando montábamus nel "Carbonero" y depués de pasar Barros, Riañu, Frieres, Veguín -con aquélles curves cerraes y carretera estrechina a la altura Entrepeñes que te daben respingos delles ocasiones-, metíase na Cuesta El Calderu pa enfilar San Esteban de les Cruces y desembocar nel núcleu urbanu a poco más d'una horuca de viaxe. Conservo imáxenes muy fresques de varios partíos de fúbol que ví nel Tartiere, onde brillaben estrelles de la talla de Sanchez Lage, Paquito, Datzira, Marigil, Amarilla, Iguarán, José María, Herrerita y un rosariu más de nombres que pasí los quisiere'l Madrid o'l Barsa hoy día. Y la visitina a Uvieu nun prestaba-y al mio pá si nun tomaba una botellina sidra nel "Marchica", con una tapina de bígaros. Pa él yera tan sagrá esta costumbre como la que tienen hoy los peregrinos que nun puen marchar de Santiago sin dá-y un abrazu al Apóstol. Pamí yera distinto. Yo tenía que dar unes vueltines pol parque San Francisco, comprar unos barquillos y esplayar les mis preferencies infantiles axuntándome a los rapazos que taben lanzando caramelos o golosines a "Petra", que nun aparaba en los sus paseos circulares metiendo'l focicu entre les rexes que la separaben del xéneru humanu.

Petra yera naquel tiempu, una señal d'identidá pa los carbayones, que la queríen como a un miembru familiar. Neños y mayores sentíen inmensu cariñu por un animal que terminó afayándose bien entre vecinos y visitantes, palpando muestres de simpatía que recibía ensin descansu. Había llegao a Uvieu en 1.950, acompañá de Perico, y a los dos diéron-yos cobixu nuna jaula istalá nel epicentro del Parque San Francisco tratando que ficieren vida conyugal y sin qu'añorasen el habitat natural de los montes salvajes de Somieu, onde su má los parió. Perico morrió muy xoven seis años más tarde, en 1.956; les males llengues comentaron que fueron los propios empleaos del Ayuntamientu, los que-y practicaron l'eutanasia pa que nun diera espectáculos oscenos delantre la xente, cuando y entraba el desenfrenu sexual. Pa desgracia de los guajes, esti matrimoniu nun tuvo descendencia.

Petra siguió en soledá buscando día y noche ensin desmayu rendixes pa escapase de les allambrones que la teníen apartá del mundu llibre esterior. Sin facer casu a los sus istintos naturales, nun había persona que llegase a Uvieu que nun y diese conversación, piropos y saludos, respetando la distancia del acercamientu a les sus garres poderoses. En Julio de 1.976, con ventiseis años cumplíos, la osa dexó d'esistir y fue noticia supertriste comentá en tolos rincones astures. Fue la muerte natural pa élla y fue la pérdida d'un símbolo irrepetible de la sociedá ovetense, porque mientres Petra tuvo vida, ningún asturianu puso en duda de que yera más famosa y atraía a más xente que la mismísima Plaza la Escandalera. El Parque San Francisco vistióse de luto permanente pa tó una xeneración de admiraores que pasaron munches hores al su lláu. 

Echando la vista atrás, Uvieu va perdiendo resonancies que fueron cimientos que configuraron la su historia contemporánea. De Petra acabamos de falar n'esti rellatu. Pero debemos apuntar nombres pal recuerdu de los nostálgicos. ¿Quién nun s'alcuerda del Mesón del Labrador, onde comíes de tó y ajustáu al presupuestu del qu'allí entrare? ¿Quién olvida a la Viuda Basilio, y les sus tapines de "braves" tantes veces degustáes? ¿Quién nun probó les fabes de Casa Modesta? ¿Quién nun pasó pena cuando enterámonos del cierre del Manantial? ¿Quién nun disfrutó con una pinta vino y un poco chorizu nel Artabe? ¿Quién olvida les sesiones del Real Cinema? ¿Quién nun s'alcuerda de les pellícules d'arte y ensayu nel "Palladium"? ¿Qué estudiante de Derechu de fay unos llustros, nun añora les clases na Facultá entrando pela Calle San Francisco?. Y quien nun diba a comprar a les rebaxes de ALMACENES LA CUMBRE -Clemente esto va por tí...?????.

Ye incuestionable'l progresu, el encantu y el atractivu d'una ciudá moderna exemplar como Uvieu. Pero nun podemos faltar a la verdá y semos munchos los qu'echamos en falta esi sabor románticu ensustituible que-y daben sitios y personaxes carismáticos, cuyu renombre y añoranza llevamos n'el alma pa tola vida. 

Poques coses recuerdo con tanta nostalgia, como les mis visites a Petra cuando diba a Uvieu con mi pá, siendo güaje ...
.
J. Aurelio