Mio Asturies....

Un poema que resalta el amor a Asturias. Su autor, uno de los principales poetas que ha dado Asturias, nacido en Langreo. Su amplia bibliografía está escrita en bable básicamente.
.
Me honra citar a MANFER DE LA LLERA, por el que siempre he sentido plena devoción.
.

MIO ASTURIES

Prefiero yo a mio Asturies

D’orbayu y de ñeblina,

Con arumes de mina

Y ambiente de frescor….

… a tierres d’otres tierres

De ciulu muy brillante,

Onde col sol radiante

Magüestes de calor.

Prefiero yo a mio Asturies

De güerta homedecía

Anque llueva ca día

Y lluzca poco’l sol…

…a tierres d’otres tierres

Col campo chamuscáu

El cielu escadiláu

Que funde hasta’l crisol.

Prefiero yo a mio Asturies

De valles y montañes,

Vaqueiros enes brañes

Y sidra nel llagar…

…a tierres d’otres tierres

De fontes escosaes

Les xentes alloriaes

Sin poder allendar.

Prefiero yo a mio Asturies

De verde les praeres

Con agua nes regueres

Que presta contemplar…

… a toles otres tierres

Del restu del Estáu

Que nun tienis ni un prau

A ú podete tumbar.

Prefiero yo a mio Asturies

Nel invierno y el branu,

Qu’andes tan campechanu

Sin frio y sin calor…

A cuantes tierres haiga

Nel restu l’universu

¿Demuestro nesti versu

A Asturies tou l’amor?.

                                                                            MANFER DE LA LLERA